काठमाडौं । साताको पहिलो कारोबारको दिन आज आईतबार सेयर बजार परिसूचक उकालो लागेको छ । आज बजार परिसूचक ३१ दशमलव ६२ अंकले उकालो लागेर २१ सय २० दशमलव ६२ बिन्दुमा उक्लिएको हो । 

यसैगरी क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि चार दशमलव शुन्य दुई अंकले उकालो लागेर तीन सय ८८ दशमलव १७ बिन्दुमा उक्लिएको छ । धितोपत्र बजारमा आज तीन सय १४ वटा कम्पनीहरुको सेयर खरिद बिक्री भएका छन् ।

जसबाट ९४ हजार पाँच सय २६ पटकको कारोबारमा एक करोड ६६ लाख पाँच हजार दुई सय ३४ कित्ता सेयर खरिद बिक्री भएका छन् । सोही खरिद बिक्रीका आधारमा आज कूल कारोबार रकम पाँच अर्ब ४५ करोड चार लाख २१ हजार आठ सय छ रुपैयाँ पुगेको छ ।

नेपाल स्टक एक्सचेन्ज लिमिटेड (नेप्से) मा १३ वटा उपसमुहहरुको सेयर कारोबार भएका छन् । जसमध्ये होटल तथा पर्यटन र ट्रेडिङ समुहको सूचक ओरालो लागेका छन् भने बाणिज्य बैंक, बिकास बैंक, फाईनान्स, जलबिद्युत, जीवन बीमा, निर्जीवन बीमा सहितका ११ वटा उपसमुहहरुको सूचक उकालो लागेका छन् ।