काठमाडौं । स्पेनिस ला लिगा अन्तर्गत रियल म्याड्रिडले रियल ओभिडोमाथि सहज जित हासिल गरेको छ । गएराती सम्पन्न खेलमा रियल म्याड्रिडले रियल ओभिडोलाई ३-० गोल अन्तरले पराजित गरेको हो ।

रियल म्याड्रिडको जितमा किलियन एम्बाप्पेले २ गोल गरे भने एक गोल भिनिसियस जुनियरले गरेका थिए । रियल मड्रिडका प्रशिक्षक जाबी अलोन्सोले ला लिगाको खेलमा भिनिसियस जुनियरलाई बेन्चमा राखेर सुरुआत गरेका थिए ।

यो जितपछि रियल म्याड्रिडले नयाँ सिजनमा लगातार दोस्रो जित हासिल गरेको छ । दुई खेलमा ६ अंक हासिल गरेको रियल म्याड्रिड हाल तेस्रो स्थानमा रहेको छ । त्यस्तै रियल ओभिडोले भने लगातार दोस्रो हार बेहोरेको छ ।

अर्को खेलमा ओसासुनाले भ्यालेन्सियालाई १–० गोल अन्तरले हरायो भने रियल सोसिडाडले दुई गोलले पछि परेको अवस्थाबाट फर्केर एस्पान्योलसँग २–२ गोलको बराबरी गरेको  थियो ।